Vawiin chawhma lam atang khan I &PR Conference Hall-ah Mizoram Legislative Assembly hotute hmalakna in Administrative Training Institute (ATI) Mizoram chuan Ministers, Speakers leh MLA te tan Computer training (zirna) an nei.

Mizoram sorkar chuan heng ram hruaitute hnenah hian Computer Laptop a pe theuh a, tunlai khawvel changkang chho zelah ram hruaituten thil an man chhoh zel a tulna avanga he thil hi tih niin, dah tawl mai lo turin a hman dan leh a tangkaina chi hrang hrangte ATI lam hotute hian an zirtir a ni.

Minister leh MLA ten he hun pawimawh tak hi ngai pawimawhin an tel tha hle a, hun tawite chhungin thiam belh tur a tam em avangin hun dangah training-na hun hawn leh ngei nise an duh thu ram hruaitute chuan an sawi hlawm.