Bharat Scouts & Guides National Council Meeting vawii 63-na chu November 27, 2013 khan New Delhi-ah neih a niin Bharat Scouts & Guides National Association Office Bearers thlanna neih nghal a ni.

President atan Pu Ashok Ghelot, Rajasthan Chief Minister thlan a ni a. National Commissioner atan Pu N.I. Nagrale, IAS (Rtd) chu thlan a ni bawk. National Executive Committee Member atan mi 25 thlan zingah Pi K. Lalliantluangi, Jt. Director, Sports & Youth Services & State Secretary, Mizoram Bharat Scouts & Guides leh Pu Thankhuma, Deputy Director, Sports & Youth Services & Jt. State Secretary, Mizoram Bharat Scouts & Guides te an tel. Finance Committee Member atan mi 5 thlan zingah Pu B. Lalchhuanliana, Additional Director, School Education & State Commissioners (Scout) a tel bawk.