Nimin (24.12.2019) khan Bialtu MLA Er Lalzirliana chuan Mamit Hmarveng Bazar Shed a hawng.

Pu Zia chuan Mamit Hmarveng te'n bazarna tûr hmun tha tak an nei ta chu lawmawm a tih thu a sawi a. Vengchhung mipuite leh Mamit khawpui te'n tangkai taka an hman a duhsak thu a sawi bawk.Bialtu MLA chuan Mamit khawpui te'n hmasâwnna lawmawm tak tak kan hmu zel chu lawmawm a tih thu sawiin kan zavaia kan thawhrah a ni tih kan in hriat a, a enkawl zui leh vawnzui kawngah mawhphurhna thui tak kan nei a ni a ti. Mamit  District hmasâwnna tur hian kan khawtlang hruaitu a bikin kan VC ten hmathlir thui tak nei a, vantlang tana rotling tur duangchhuakin  helam kawngah hian khawtlang hruaitute pawh kan in el tul a tih thu a sawi. 

Khawtlang nun hmasawnna kawngah khawtlang hruaitute'n tihtur tam tak kan nei a, nungcha humhalh kawngah tan kan lak thar a tul a, khawpui chhungah pawh silai kenga ramchhuak kan tam ta em em mai chu veiawm a tih thusawiin kan thlai ei chhetu savate kan thah rem chuan loneia eizawngte tan pawh harsatna kan siam a ni tih in hria a, humhalh kawnga tan la thar sauh sauh turin a  chah bawk.

Er H. Lalzirliana Bialtu MLA hi khawtlang hruaitute'n an tawiawm a ni.