Phairuangkai Lei, Lunglei to Tlabung Road ami chu Dt.24.12.2019 Dar 11 : 00 AM khan a zapui thir a khi tih hmuhchhuah a ni a. A hmunah a bialtu Lungsen SDO, PWD (Highways) kalin a enfiah nghal a. A bialtuten awmchilhin Ni 25.12.2019 zing lam dar 2 atangin a khi hi a zauh belh leh tih hmuh a ni.

Hetiang hi thil awmdan a ni avangin lirthei eng chi mah tun dinhmun ah hian kal theih lohin a awm tih mipui kan inhriattir a. PWD (Highways) chuan rang taka Lei repair dan tur hi dapin a ruahman nghal a. Ni 28.12.2019 atangin repair hna hi thawh tan a ni anga, chhun zan zawmin repair hna hi zawh a nih hma chuan thawh a ni ang. Ni reilote chhunga zawh hman ngei beisei a ni.