Vawiin khan MPTA (Mizoram Primary Teacher Association) Kawnpui Sub-Hqrs. Study Tour  Flag Off  Programme chu Bialtu MLA Pu Hmingdailova Khiangte, Parliamentary Secretary in a vailiam.

Study Tour Flag Off Programme inkhawm tawi ah hian Pu Hmingdailova Khiangte chuan Zirtirtute chu “A taka mihring dintu leh chherchhuaktu in ni” a ti a. Naupang te tana hlauhawm nilova zahtlak leh nelawm a awm a, naupangte’n hmangaih leh duat an mamawh zia hria a, heng an mamawhte phuhruk thei tura tang sauh sauh turin a fuih a. Zirtir hna hi eizawn nan chauh nilova, mi puitling chherchhuaktu leh mithiam chherchhuaktu nih tum ngei turin a fuih bawk.

Study Tour a kal te hian St. Marys School  leh Mizo Modern School, Madanriting, Shillong leh Guwahati te an tlawh dawn a. Continuous Comprehensive Evaluation, Elementary Education leh Mid-Day-Meal te State dang ten an kal pui dan an dawn a. He tour-ah hian Tuirial Constituency huamchhunga Zirtirtu 20 khaw 6 atangin an kal a. An kalna senso hi bialtu MLA hian a tum sak a ni.

Study Tour Flag Off Programme inkhawm tawi hi Primary School - IV a neih niin, Pu Lalchhuanmawia, President MPTA Kawnpui Sub-Hqrs. in a kaihhruai a. Pu Lalduhawma Rokhum, SDEO Kawnpui in he hun hi a hman pui bawk. 

Attachment

  • Loading attachment...