Vawiin chawhnu khan Deputy Chief Whip Office-ah Dampa Constituency bialtu MLA, Pu Lalrintluanga Sailo, Deputy Chief Whip leh Mamit Constituency  bialtu MLA Pu H. Lalzirliana te chuan an bial chhunga kawngpui siam hna thawktu, Project Pushpak hotute an kawm a. An inkawmnaah hian Fur ruahtui tlak hma a kawngpui siam hnathawh dan tur bakah thil pawimawh dangte sawiho a ni.

Mamit leh Dampa bialtu MLA te chuan bialchhunga kawngpui dinhmun te, mipui mamawhna san zia thu te bakah kawngpui siam hna chu a ranglama  thawh a hun tawh thu te Project Pushpak hotute hi an sawipui a. Tut leh West Phaileng inkar kawngpui siam hna phei chu hnathawh tur zinga hna hmasaah dah turin Border Road Organisation(BRO) hotute chu an ngen a ni. Project Pushpak Chief Engineer Brig. Birender Singh  leh Col. CSS Prakash, Director of Planning te chuan khawthlang lam bial chhunga kawngpui siam hna chu kumin Fur ruahtui tlak hma a zawh hman an tum thu an sawi a. Bialtu MLA te hnenah hian hnenah an harsatna tawh thenkhat te pawh sutkiansak turin ngen nghal bawk a ni.