Bilkhawthlir khua atanga kartin chanchinbu chhuak Zoram Kanaan Weekly May 14 leh May 28 2011 a thu chhuak Forest Deptt. in vantlang ram nek leh Deptt demna ang rawngkai a ziah chungchangah thu belhchian dawl lo leh dik hlel a awm avangin thudik Divisional Forest Officer, Kolasib atanga kan dawn chu hetiang hi a ni.

Kharzawl ram,  NH 54 kam tawn tawn a Govt. Teak Plantation te hi kum 1975 a Mizoram Forest Deptt. in a phun a ni a. He ram hi 1965 kuma Mizo District Council in Aizawl - Silchar lamlian dung Reserve Forest atana a puan (notify) zinga mi a ni a. He RF notication hi Assam Gazette No 8 dt. 19.5.1965 ah publish a ni. He RF /Govt. Teak Plantation chhung, kawngpui dungah hian kum 2002 vel atang khan Zoram pawn atanga lo lut ten sawrkar phalna lovin In te sain awmhmun an khuar a.Teak kung te rek rovin kih thin a ni a. Teak kung ruk bang la awm chhun te hi riah chilha ven hial a ngaih tak avangin leh RF/Govt. plantation ram nek tumte ven nan a kar awllaiah hian a vengtute riahna turin Forest Deptt. In sak tum a ni.  Forest (Conservation) Act, 1980 hian RF chhungah Central sawrkar phalna lo chuan " Non- Forestry avtivity" reng reng a khap a ni.