Bilkhawthlir RD Block chuan Bilkhawthlir Block chhung a zirna chungchanga hmasawn lehzualna a awm theih na atan Project an siam a, he Project hming atan hian “Community Education Support Project – Khawtlang hmasawn nan zirna, zirna hmasawn nan khawtlang” tih a ni.

He project hawnna hi vawiin dt 28th May 2019 hian SIRD, Kolasib Mahatma Gandhi Hall ah neih a ni a,Pu Clement Lalhriatpuia, BMM, MzSRLM, Bilkhawthlir chuan kaihruaiin, Pu Neng Thianlala, BDO, Bilkhawthlir Block in hawnna hun hi hmanpuiin MzSRLM hnuaia khawtin atanga Cadres te leh VO hruaitu ten nen sawihona neih a ni. BDO chuan CESP kalphung tur hrilhhriatna hun neiin, CESP in a tum ber chu zirna hmasawnna atan khawtlang mipui ten tih ve tur kan nei a, he project hi Village Organisation kal tlanga Self Help Group te hmalakna tur a ni. 

Village Organisation te chuan kut ken bik ah neiin School naupang school kalrual kallo awm te zawnchhuah a, school kal tir te, school ban hnu a zirlai te homework tihpui tur, enkawltu neilo te huikhawm a after school care kalpui a, zirna senso neilo te a theih anga tanpuina zawnpui te, school naupang faina chungchang ngaihtuahpui te, kumtling lo a nupui/pasal neih tih tlem te, mi entawn tlak te thusawi school naupang te ngaihthlak tam tir te leh career guidance kalpui chungchang ah te hma an lakpui dawn a, he project ah hian sum inpek tur a awm lova, amaherawh chu, VO zirna chungchanga ti tha te endik an nih hnu ah a titha ber ber te chu MGNREGA leh MzSRLM convergence in Village Organisation training Hall sak sak an ni dawn a ni.

He hun hmapuitu Pu ZR Thafala, Principal, SIRD ETC Kolasib pawhin nu te pawimawhna chungchang a sawi bawk. Tin, Pu Vanlalpeka, APO, MGNREGA, Bilkhawthlir chuan CESP kaihhruaina chungchang sawifiahna hun a nei bawk.

Hemi rual hian Bilkhawthlir RD Block te chuan MzSRLM hnuaia VO te tan training “Block Level Training on Livelihood Village Entry Process” chu hawnna nei nghal in  VO tin a Cadres –Community Facilitator mi 21, Financial Inclusion Cadres mi 21, Agriculture leh Livestock CRP mi 18 ten heng social mapping, resource mapping, seasonal calendar, farm livelihood analysis leh enterprise analysis SHG te siampui dan an zir dawn a ni. Hei hi cadres ten an training zawh ah an khuaah SHG member te an tihpui leh vek dawn a ni.