1865/2026-2027

Kolasib, 19th August, 2026: Vawiin chawhnu dar 2:00 khan DC Conference Hall, Kolasib-ah Kolasib District chhunga VC06004 - Bilkhawthlir South Village Council By-Election, 2026 lo awm tur atana inbuatsaihna kal mekah, inthlan buaipuitu tur (election officials) te tan training pawimawh tak neih a ni.

He training pawimawh tak hi Pu Chinlianmanga, Election Officer chuan a kaihruai a. PRO leh PO kalkhawmte cuan inthlan vuakveta Polling Team te tana hriattur pawimawh chi hrang hrang leh tih leh tih loh turte sawiin a zirtir a, ṭha taka inpuahchah a, thluak fim pu chunga an hna ṭha taka thawk turin a fuih bawk a ni.

He hunah hian Bilkhawthlir South By-Election atana ruat Returning Officer, Presiding Officer leh Polling Officer te chu kim takin an tel a ni.

Training neih zawh hian official-te hian inthlanna atana hmanrua (Election Materials) te chu DC Office atangin an la nghal a, venhimna (security) nen inthlanna an buaipui tur hmun theuh chu an pan nghal a ni.

Bilkhawthlir south a By-Election hi August ni 20, 2026 zing dar 7 atanga tlai dar 5 thlengin vote thlak theih a ni ang.