374/2026-2027 

Dated Aizawl the 5th May, 2026 : Vawiin chawhma khan Aizawl Smart City Ltd huaihawt ‘Program on Awareness of Bio-Medical Waste’ chu E-in-C Conference Hall, Kawlphethaah neih a ni a. Pi K.Lalrinzuali,IAS, Commissioner & Secretary, Health & Family Welfare Department, Chairperson, State Advisory Committee on Bio-Medical Waste Management ni bawk chu khuallian a ni.

Khuallian chuan Bio-Medical Waste Rules 2016-in a phut angin felfai taka kum 1 chhung Aizawl Smart City Ltd hmalakna hnuaia sak zawh tak-Common Bio Medical Waste Treatment Facility Tuirial Airfireld kalylanga bawlhhlawh sawngbawlna kan nei ve ta chu hmasawnna ropui tak a nih thu a sawi a. Hemi chungchang zir ho tur te leh ngaihdan thawhkhawm tura mi hmang hria an kal khawm  chu lawmawm a tih thu a sawi bawk. Khuallian chuan healthcare facility neitute hi an pawimawh em em a, chutihrualin dan zawm a pawimawhzia a sawi lang bawk. Bio medical waste sawngbawl dan chungchangah pawh Danin ti tura a phut chu zawm hram hram turin kawlkhawmte a ngen a ni. 

Programme hi Pu V.Lalruatliana, MCS,Deputy Chief Executive Officer,Aizawl Smart City Ltd chuan a kaihruai a. Awareness programme hi Aizawl khawpui chhunga damdawi in leh inentirna chi hrang hrang-clinic, sub-centre,ran damdawi in leh a dangtea bawlhhlawh hrisel zawka sawngbawl mek a nih dan leh kal zel dan tur an sawiho a. Kalkhawmte hian ram leilung vawngtha turin Mission Life Pledge an chham rual bawk a ni.

Aizawl Common Bio Medical Waste Treatment Facility chu a kal zel dan tur chungchang Pu V.Lalruatliana, Deputy Chief Executive Officer,Aizawl Smart City Ltd chuan a sawifiah a. Medical waste uluk taka sawngbawl a pawimawh zia te, healthcare facility neitute kan nih anga kan bawlhhlawh a hmun taka thehthang hi mahni mawhphurhna a ni tih te, Bio Medical Waste Rules 2016 zawm a pawimawh zia leh Dan zawmlo laka thuneihna kenkawh theih awmte inzirtirna hun hman a ni a. Hremna hi lung in tantir emaw, pawisa cheng nuai khat chin chawi tir theih a ni a, ni tin cheng 5000-a pungin inhremna ‘fine’ pawh kenkawh theih a ni tih tarlan a ni bawk.