Nationa Population Register hnuaia Biometric Enrollment, Champhai District chhunga tan dan tur chungchangah vawiin khan training neih a ni. Champhai District a charge officer te Enumerator leh Supervisor a ruat ten training hi an tel a ni.

He training hi I&PR Auditorium Chanem Building ah neih a ni a, Champhai District Bawrhsap Pu Sangdingliana chuan kaihruaiin, he hna hi hna pawimawh tak a nih thu a sawi a, mitinte tana tha tur leh kawng engkima kan awlsamna tur thil a ni a ti.

DC chuan he ha thawktu tura ruatte chu, mi rinawm leh rintlaka sorkarin a ngaihte an nih thu a sawi a, kan ramin min tih sak theih aia kan ram tana kan tih theih ngaihtuah zawk tur leh ram tana thawhna hun remchang an nih ah hian theihtawp chhuah a thawk turin a chah bawk. Champhai District ah hian VC 105 awmin khua 106 a awm mek a, Biometric Enrollment neih tur hi hna hautak leh hahthlak tak pawh lo ni mah se, tha leh hlawhtling taka an zawh a beisei thu a sawi bawk.