National Population Register (NPR) hnuaia Biometric Enrolment kalpui mekah District thuneitute vawiin khan D.C Conference Hall Mamit-ah Pi Lalbiaksangi, Addl D.C hovin an thukhawm.

Vawiin thutkhawmah hian NPR hnuaia BME kalpui mekah Mamit District dinhmun en ho a ni a, tundinhmun ah Enrollment zat hi 37249 niin targeted population hi 66257 a ni. Achievement percentage hi 56.22 a ni a, Aadhar generation hi 30.26% chauh la niin Aadhar card dawng erawh an la tam lo rih hle a ni, Enrolment hna kalpui chak a nih loh chhanah hian Electricity supply mumal loh te bakah Laptop hlui supply thin a nih vangin khawlah buaina tawh thin a ni bawk.

Heng harsatna chinfelna tan hian Laptop tha zawk beisei mek niin a lo thleng nual tawh a ni, Permanent Enrolment Centre (PEC) pali District in a neih a, operator te hi an in daih tawk loh avangin Enrolment kalpui naah harsatna tawh thin a ni bawk. Meeting-ah hian Zawlnuam, Reiek, W. Phaileng leh Mamit leh Lengpui atangin Charge Officer te bakah Directorate of Census Operation , Aizawl, ECIL leh LYRA tanga mi thiam te an tel a ni.