2382/2024-2025

4.10.2024: Birth Registration Based Aadhaar Enrollment (BRBAE) chu Mizoram ah kalpui tan a ni ta. He hmalakna hnuaiah hian naupang (nausen piang hlim atanga kum 5 thleng) tan Birth Registration behchhan in Aadhaar Enrollment a tih theih tawh dawn a ni. National Health Mission, Mizoram chuan October ni 2, 2024 atang khan a kalpui tan a ni.

Naupang (0-5) te tana Aadhar enrollment samkhai zawka tih theih tawh niin, tunah hian Civil Registration System (CRS) portal atangin Birth Registration Number hmangin automatic-in data a lak theih tawh dawn a. Naupang birth certificate leh a nu emaw a pa Aadhar number chuah a ngai a ni.

He hmalakna hi tangkai zawka mipuiin an chhawr theih nan National Health Mission, Mizoram chu Child Enrolment using BRBAE process hmanga Child Enrolment ti turin Registrar cum Enrolment Agency ah ruat a ni.

UIDAI chuan state tinah inziritrna workshop te, door to door enrolment te buatsaih thin in, hmun kilkhawr zawkah te kalin Aadhar tangkaina mipuiin an chhawr theih nan hma a la thin a. India hmarchhak state-te tana UIDAI hmunpui ber, Regional Office chu Guwahati ah awmin, he office hi state sorkar hnuaia General Administration Department, Aadhar kaihhnawih a hmalakna hrang hrang atana Nodal Department nen kawng hrang hrangin hma a la ho thin a ni.