2383/2024-2025

Saitual, the 4th October, 2024: Vawiin chawhnu dar 2:30 pm khan Health Minister Pi Lalrinpuii chuan Saitual District Hospital a tlawh a, ward-te fang kualin, Chief Medical Officer office sak lai mek a tlawh nghal a ni.

He hunah hian Minister chu Sr. Medical Officer Dr. Zothanpari Chhakchhuak chuan lo dawngsawngin ward-te a fanpui a, Chief Medical Officer (CMO) office sak lai mekte an enho nghal a ni. Dr. Zothanpari Chhakchhuak chuan Health Minister-in Saitual District hospital chu ngaihsakin, an mamawh an thlen thinte pawh a lo ngaih pawimawh thin avangin lawmthu a sawi a. Health Minister chuan an mamawhte lo thlen zel turin a chah a, theih tawp chhuaha hma lakpui zel a inhuam thu a sawi.

Health Minister chu khawtlang hruaitute, Joint VC, YMA leh MZP sub hqrs lama hotute nen hospital building thar sakna tur hmunhma te an tlawh nghal a ni. He hunah hian Minister hi Pu Vanlalsawma, Principal Director, Health & Family Welfare dept., Pi R. Lalrodingi, Director, Tourism dept., Dr. Lily Chhakchhuak, Joint Director, Health & Family Welfare dept., Pi Lalthakimi Pachuau, Joint Director, Tourism dept., Pi Christina Lalnunfel Sub-Deputy Comissioner ten an tawiawm a ni.