1107/2026-2027

Dated Aizawl, the 22 June 2026 : Chief Secretary kaihhruai ‘State Level Standardisation Committee’ Thutkhawm hnuhnung berin a lo rel tawh bawhzuiin, vawin khan Bureau of Indian Standards (BIS) Guwahati leh FCS&CA Department tangkawp chuan, Mizorama PWD Officer-te tan ni hnih awh ‘Capacity Building on Standardization & Quality Control Program’ chu PWD E-in-C Office Conference Hall, Tuikhuahtlangah an buatsaih.

He hunah hian Pu jacob Biakliana, Inspector, FCS&CA Department chuan thusawiin, Mizoram State tana Committee for Standardisation, Quality Control and Quality Systems pawimawhna, Committee nihphung leh a tum berte a sawifiah a. Committee-in a rel angin Mizoram Sawrkar hnuaia Department hrang hrangte nena Capacity Building Programme neih chu Sawrkarin a ngaipawimawh hle tih tarlangin, Capacity Building Programme an hman chuan Sawrkar Department hrang hrangteah rah duhawm tak chhuahin hmasawnnna hlawkthlak tak thlen ngei se a tih thu a sawi a. Programme chu hlawkpui ngei tum theuh turin kalkhawmte chu duhsakna a hlan nghal bawk.

Vawiin programme-ah hian BIS Guwahati atanga mithiam thlanchhuah bik pahnih – Dr. Anuj Verma, Assistant Professor, RIMT leh Dr. Aaditya Pratap, Assistant Professor, IIT, Benaras Hindu University atanga lo kalte chuan thupui thlanchhuah bik hrang hrang 14-te hmangin kalkhawmte hi zirhona PPT presentation nen an neihpui a. Mizoram PWD hnuaia Senior Executive Engineer chin zawng zawngte Mizoram hmun hrang hrang atangin mi 60 lai Programme-ah hian an tel thei a ni.

PWD officer-te nena hun an hman zawhah hian Bureau of Indian Standards (BIS) Guwahati leh FCS&CA Department-te hian Mizoram Sorkar hnuaia PHED officer-te nen Capacity Building Programme hi ni 2 chhung dang hmangho leh turin ruahmanna an siam a ni.