1106/2026-2027 

Siaha the 22nd June 2026:July Ni 1, 2026 atanga MGNREGA thlaktu tura Sawrkar in a duan VB-G RAM G orientation programme chu vawiin khan DRRC, DRDO, Siaha-ah neih a ni a, Pu VL Hruaizela Khiangte, District Bawrhsap leh Pu M Misael, Project Director, DRDO ten thusawina an nei.

District Bawrhsap Pu VL Hruaizela Khiangte chuan India in kum 2047 a Hmasawn Ram (Developed Country) nih a tumna kal zela hmalakna pakhat VB-G RAM G chungchang District Level official-te tana inhrilhhriatna programme a tel te chu lawmthu a hrilh a, kum 20 chuang hret MGNREGS chu kalpui a nih tawh hnuah tawha her rem ngaite her rem a, mipuite tana tangkai lehzual tura siam VB-G RAM G duan a ni chu a lawmawm hle a ti. ‘Mizoram chhim tawpa chengte pawh he Vikshit Bharat 2047 suangtuahna ah kan tel vek a, state dang leh ram dangte ruala hmasawnna hmel kan hmuh ve theihna turin department hrang hrangte thawhhona (convergence) tha neih a pawimawh’ a ti a, thahnemngai taka thawkho tura chahin scheme thar chu tha taka hman a nih theih nan duhsakna a hlan nghal a ni.

Pu M Misael, PD DRPO pawhin kalkhawmte chungah lawmthu a sawi a, MGNREGs ah DC chu District Programme Coordinator  a ni a, VB-G RAM G ah pawh a chairmanna hnuaiah District Level Screening Committee din tur a nih thu tarlangin a tawiawmna a ngen nghal a ni. VB-G RAM G hman tan a nih dan leh Dan a siam a nih tak dante tarlangin Vawiin orientation programme chu interactive taka hman nise a duh thu a sawi a, hriat chian loh te zawt hrehlo turin leh hlawhtling taka kalpui a nih theih nan kalkhawmte thawhopuiah a sawm bawk a ni.

Pu AZ Beisia, ARDO, DRDO Siaha chuan he hun hi a kaihruai a, Pu C Lalremruata, WM, DRDO Siaha hnen atangin VBGRAMG chungchanga hriattur tul leh pawimawhte PowerPoint presentation hmanga ngaihthlak ho a ni.