Vawiin chawhma dar 10:30 khan Agriculture Conference Hall-ah training of Trainers for BLOs 2nd Batch kharna hun neih a ni.

He hun hman puitu Pu K. Riachho, CEO Mizoram chuan Election Commission of India in Special Summary Revision of Electoral Roll nei turin state tinte a hriattir angin, Dt. 1.1.2012 a kum tling tharte thun awm chi reng reng thun vek tur anih thu a sawi.

Roll Revision ah hian thawktu chi hrang hrang awm mahse, a pawimawh ber leh a taka thawktu chu BLO te an nih thu leh an ni hian Roll Revision chu an hriat chian a tul thu sawiin, BLO te hnathawh dan tur (kaihhruaina) chu Mizo tawnga lehlin anih thu leh Dan leh hrai leh ECI thu pekah te an chian a ngaih thu CEO chuan sawi bawkin, danin a khap angin foreigner te roll ah thun anih loh nan fimkhur turin a chah.

Batch 3 ah thenin, mi 40 zel training an pe a, Dr Andrew H. Vanlaldika, EO Lunglei; H. Lalhmingthanga, EO Saiha leh R. Vanlalsawta, ACEO, Master Trainer te chuan training an pe a, Pu Lalengmawia, Jt. CEO chuan kharna inkhawm hi a kaihruai a ni.