Vawin chawhnu dar 3:00 khan Booth Level Officer-te training petu tur (trainers) te training ni hnih awh Agriculture Conference Hall-a neih chu kharna hun hman a ni.

Kharna hun hman hi Pu K. Riachho, IAS, Chief Electoral Officer-in hman puiin Training hlawhtling taka neih a ni chu lawmawm a tih thu a sawi a, kumin Roll Revision hi kum dang aia a pawimawh bik dan leh nakuma inthlang mai tur kan nih avanga uluk tak leh fimkhur taka kalpui a tul thu uar takin a sawi a. Nakum inthlan hma hian Roll Revision neih a tul a, revision atana thawktu zawng zawngten mahni hna theuhah rinawm tak leh dik taka thawh theuh a pawimawh a ni tih a sawi. Training a tel te fuihna thu sawiin BLO-te training an pek hunah pawh chipchiar tak leh uluk taka zirtir chhawng turin a chah bawk.

He Training hi Aizawl District, Mamit District, Kolasib District, Champhai District, leh Serchhip District-te tana tih a ni a. He tiang bawk hian a thawh hnihna (2nd Batch) dt.28-29.6.2012 ah hian Training hi EOs, EROs, AEROs-te tan bawk buatsaih leh a ni ang a. A thawh thumna (3rd Batch) chu Lunglei-ah Dt. 3&4 July, 2012 ah Lunglei District, Lawngtlai District leh Saiha District-te tan buatsaih a ni ang.

Heng Trainer-te hian an mahni bial theuhah BLO-te Training July thla chhungin an pe ve leh chhawng dawn a ni.