Vawiin hian Sangau I Playground ah Block Level Rajiv Gandhi Khel Abhiyan chu Sangau BDO Pu Vanlaltanpuia MCS chuan a hawng.

Rajiv Gandhi Khel Abhiyan hi PYKKA tia kan hriat thin thlak nana Central sawrkar in a siam thar a ni a, Mizoram ah pawh kumin atang hian RGKA hi kalpui tan niin vawiin hian Sangau ah Block Level Tournament neih tan a ni. He huna khuallian Pu Vanlaltanpuia chuan Infiamna hrang hrang a intihsiak tur khaw hrang hrang atanga lo kal khawm infiam mite hnenah theih tawp chhuah a an intihsiakna te bei turin a fuih a, sawrkar laipui in a thil tum pawimawh tak; thingtlang lama infiam mi talent nei tha zawnchhuah na programme a nih angin thalai te chu hlawhtling tlaka bei turin a fuih a ni.

Block Level Tournament ah hian infiamna chi hrang hrang 5, Athletic, Boxing, Wrestling, Badminton leh Table Tennis ah te inelna neih tur a ni a, Sangau Block chhunga khaw hrang hrang atangin infiam mi 200 vel an kalkhawm a ni. He tournament hian 26.09.2014 (Friday) thleng a awh ang.