Vawiin khan Chief Secretary Conference- Hall ah Gutkha Ban chungchang ngaihtuahin meeting neih a ni.

Meeting hi Chief Secretary Pi L.Tochhong in kaihruaiin, Principal Director, Health & Family Welfare; Director, Hospital & Medical Education; President, Indian Society on Tobacco & Health (Mizoram Chapter) bakah Food & Drug Administration hotu te leh Mizoram State Tobacco Control Society aiawhte an tel a ni. Meeting ah hian Mizoram Sorkar in Gutkha product bakah Zarda/Pan Masala leh mihring ei leh in Vaihlo telna reng reng 22nd August 2012 a khap tawh chu ennawn niin, thuam chak ngai lai leh zirchian ngai lai ennawn ni se tha a ti a, Gutkha Product hrang hrang khap a nih hnuah No tobacco/No nicotine tih tarlangin heng product hrang hrangte hi zawrh chhuah leh a ni a, hengah te pawh hian chak leh zuala hmalak chhoh zel tum a ni. Mihring hriselna ti chhe thei heng Gutkha product hrang hrang lakah hian Mizo mipuite fihlim tur leh hmang lo turin meeting chuan a chah nghal bawk a ni.