NLUP Phase II beneficiary te hnena sem tur, Meghalaya atangin bawng chi tha a lo thleng tan ta a. Heng bawngpui te hi Vairengte-a Quarantine shed-ah khung hrangin an hriselna endik hmasak vek hnu ah Lunglei, Lawngtlai leh Saiha a beneficiary te sem turin thawn chhuah an ni.

Meghalay atanga bawngpui lakluh te hi Holstein Friessien leh Jersey thlahpawlh niin a hmunah beneficiary ten an duh an thlang an tel nghe nghe a. September ni 13 khan a batch hmasa bawng 40 chu Vairengte rawn thlenpui a ni a. September 16 khan bawng 40 dang lo thleng lehin September ni 21 khan a batch thumna bawng 20 a lo thleng leh tawh a. Meghalaya atang hian bawng 600 emaw vel lakluh tura ruahman a ni. Bawng lo thleng hmasa 80 zinga 1 thiin 1 dang a hriselna a that tawk loh avangin a hrisel tha 78 chu quarantine shed ah ni engemaw zat dah hnuin Lungleiah thawn chhuah an ni tawh a. A lo thleng hnuhnung 20 te pawh an hriselna endik vek hnuin vawiin khan Saiha leh Lawngtlai panpui an ni ve leh ta bawk a ni. Meghalaya atang hian bawng 766 vel lakluh tura ruahman a nih laiin 600 vel lakluh hmasak phawt tur a ni.