District Sports Committee buatsaihin vawiin chawhma dar 10 khan Parish Hall,Venglai Kolasib ah Infiammi te tan Blood Donation Camp neih a ni.

Blood Donation Camp ah hian Kolasib District Hospital a thawktuten thisen hi an la a ni. Blood Donation atan hian hmingziak lut mi 119 awmin mipa 87 leh hmeichhia 32 niin Thisen unit 53 lak a ni.

Blood donation camp puala inkhawm tawi buatsaih chu Pu Andrew VL Auva,Vice Chairman, Dist.Sports Committee in a kaihhruaiin, Pu Laltanpuia Hnamte, Addl. DC Kolasib in a hmanpui a ni. Pu K.Lalthlengliana DSYO,Kolasib in report pe in, Dr.Christina Vanlalhriatrengi, Med.Officer(OST)in HIV+ chungchanga Kolasib Dist dinhmun a tarlang bawk.