Vawiin hian State Mission Management Unit leh Mizoram State Rural Livelihood Mission buatsaihin Aijol Club Conference Hall ah Block Mission Management Unit staff leh Master Resource Person, SIRD hnuaia lak tharte lawmluhna leh ni li chhung training chhunzawm tur chu khuallian Pu Lalrinmawia Ralte Parliamentary Secretary i/c Rural Development Department in a hawng.

Khuallian Pu Lalrinmawia Ralte chuan thingtlang mite dinhmun hrethiam chung leh anmahni chawikan ngei tum a he hna hi thawk turin lakthar te chu a chah a. Self Help Group te tanpui a, an hmakhua ngai tak chunga thawk tur leh zirtirna kawngah thahnem ngai taka thawk tur a chah in, he training hi tangkai taka hmang turin a chah bawk.

Hnathawktu lawmluhte hi training pek nghal an ni a, he an training hian ni li chhung a awh ang.