Nimin chawhnu dar 2 khan Reiek ah Pu K. Riachho IAS, R D Department Secretary chuan Bharat Nirman Rajiv Gandhi Sewa Kendra (BNRGSK) building thar a hawng. He building hi cheng nuai 21 senga sak a ni a; V/C House, MNREGS office leh Conference Hall a tana hman a ni ang. 1872 Sq Ft. a thut a; a dung 52 ft leh avang 36 ft a ni.
Pu K. Riachho chuan Central sorkar leh Mizoram sorkar hmalakna te hi mipuiten hlawk leh tangkai thei ang bera kan hman thiam a tul thu sawiin RD Department chuan thingtlang mipuite hamthatna turin chak lehzuala hnathawh a tum a, hetah hian mipuite tawiawmna a pawimawh lehzual dawn a ni, a ti.
