Nimin ni 15.11.2012 khan Board of Visitors ten Central Jail, Aizawl chu an Chairman Dr. Franklin Laltinkhuma, Aizawl DC hovin Members dangte, CYMA Vice President Pu Lalbiakzuala leh MUP President Pu K. Malsawma ten an tlawh.

Central Jail ah hian mi tang 503, mipa 455 leh hmeichhia 58 leh naupang 1 pawmlai an awm a. An choka pawh tlawh a niin ei leh in siam nan pawh a fai tha a hmuh a ni. Industry te pawh awmin Furniture leh Handloom lam atanga thil siam chhuah tam tak pawh Board of Visitors ten an hmu. Mipa Ward leh Hmeichhe Ward pawh tlawh a ni a, an tifai viau in a tha thawkhat a ngaih a ni.

Vairam Jail te ai chuan Central Jail chu a fai tha in a nuam viau zawk niin Board of Visitors te chuan an hria. Board of Visitors te hian an hmuh dan hrang hrang te hi Secretary, Prison Department, Govt, of Mizoram hnenah a tul anga bawhzui a nih theihna turin an thehlut ang.