Bonsai Association of Mizoram chuan a tum thum nan Assembly Annex basement-1 ah Bonsai Show ni 23-25 May, 2018 chhung awh tur a buatsaih a. Vawiin chawhma dar 11:00 hian Show hawnna hun hman a ni. Bonsai Show hi Dr. Elizabeth Saipari, Director, Department of Horticulture in a hawng a, Show hawnna hi Lalbiakdika, President BAM in kaihruaiin, Secretary Lalsiamkunga hnen atangin Report ngaihthlak a ni. Show ah hian stall 15 awm in Bonsai nalh tak tak 71 phochhuah a ni. Bonsai Show hi Horticulture Department Sponsored na hnuai a neih niin, a ti thazual 3 tan lawmman leh certificate te hlan an ni.
Consolation prize mi 10 hnenah cheng 500 leh Certificate sem niin Peoples' Choice lawmman siam a ni a, Show chhim tu ten an nalh tih ber chu vote hmangin an thlang anga, Zirtawpni ah lawmman sem a ni ang. Peoples' choice hian lawmman cheng 1000 leh Certificate a keng tel bawk ang. Hei bak ah hian Col.V.L.Ruata Special Award siam thin a ni a, hei hian Trophy leh pawisa fai cheng 3000/- a keng tel bawk.
Show ah hian Bonsai leh Bonsai atana siam chi thing chi hrang hrang tlawm tak taka lei tura phochhuah a ni a. Show neih chhung hian nitin dar 1:00 p.m.-3:00 p.m. chhungin Bonsai siam lai (live demonstration) thlir tur a awm dawn bawk a ni. Bonsai Show hian ni 25.5.2018 (zirtawpni) thleng a awh ang.
