No.1922/2020-2021

Vawiin khan Border Safety Monitoring Team, Kolasib District te chuan hripui dona atana ramri dep khaw hrang hrang a Village Level Task Force Duty te Pu Albert Vanlalruata SDC hovin an tlawh.

Border Safety Monitoring Team, Kolasib District te chuan Pangbalkawn, South Chhimluang, Bairaibi North leh Bairabi South VLTF te an tlawh a. An dinhmun leh an mamawh an zir chian bakah mikhual leh ram pawn mi chhawr laite chhinchhiah a ziahluhna tur lehkhabu Border Safety Monitoring Team-in an buatsaih chu duty te hnenah hian an hlan a. VLTF duty te mamawh Raincoat leh Silpaulin an pe nghal bawk a ni.

Bairabi North Village Level Task Force ten Kolasib District a sawrkar enkawl lai Quarantine Facility te tanpui nan Cheng Sing khat, Border Safety Monitoring Team te kaltlang hian an lo hlan a ni.

Nimin khan Border Safety Monitoring Team, Kolasib District te hian Phainuam, Bilkhawthlir, Saiphai, Saipum, Saihapui ‘V’, N. Chhimluang, Saihapui ‘K’ leh Bukvannei an tlawh tawh bawk a ni.