No.1921/2020-2021

Lawngtlai, Nikir thla ni 11, 2020: YLA (Young Lai Association) Hall, Lawngtlai Vengpui chu Bawrhsap Pi Shashanka Ala, IAS chuan vawiin khan a hawng.

Hall hawnna hi mi tlem te kal khawma buatsaih niin, Bawrhsap chuan Lawngtlai Vengpui Branch YLA-in an hall thawm that an dil anga tha taka hna an thawk chu lawmawm a tih thu a sawi a. Tha taka enkawl tura chahin, tangkai taka an hman a beisei thu a sawi.

Branch YLA Secretary Pu V. Lalengvara'n hall chungchang report a pe a. CYLA AGS Pu Joseph Lalhmingthanga leh VC lam te'n thu an sawi bawk.

Lawngtlai Vengpui YLA Hall hi kum 2010 vela sak niin, sak zawh fel lohvin eng emaw chen a awm a. Hman tlak mang lohva a awm tawh hnuah Bawrhsap Pi Shashanka Ala hian a thawm thatna tur Rs 2,00,000/- (nuai hnih) pein, chumi hmang chuan thawm that a ni a. Hei bakah hian badminton court atan carpet phah nan Rs 1,00,000/- a pek belh leh bawk.