No.2383/2020-2020

Vawiin khan Border Safety Monitoring Team, Kolasib District te chuan COVID-19 hripui dona atana ramri dep khaw hrang hrang a Village Level Task Force Duty te tlawh chhunzawmin an mawmawh ang eitur leh hmanrua an pe.

Border Safety Monitoring Team te hi Team li a inthen in, vawiin khan Team I leh Team II te an kal chhuak a. Team I te hian Phaisen, Bukvannei, North Thinglian leh Saihapui(K) Village Level Task Force te an tlawh a. Pu Vanlalchhuanawma Chawngthu Sub-Deputy Magistrate & Chairman, Border Safety Monitoring Team Chairman ni bawk chuan hovin Pu Vanlalvena Addl. S.P. leh Pu Thomas D. Lalengliana Secretary, Kolasib Group YMA te an tel a ni.

Border Safety Monitoring Team II te hian Bairabi, Meidum, Pangbalkawn leh South Chhimluang VLTF te tlawh in, Pu Albert Vanlalruata, Executive Magistrate leh Pu Ketan Bansal, SDPO Kolasib te an tel bawk a ni.

Vawiin a Border Safety Monitoring Team hnih chhuak te hian ramri dep a khaw hrang hrang a VLTF te hnenah hian an mamawh chi hrang hrang buhfai, raincoat, torch-light, solar lamp, silpaulin bakah Ramhlun North YMA, Aizawl atanga tanpuina sum dawn te leh BSMT atangin Rs 3000 theuh a tul apiang a hman turin VLTF te hnenah hian an pe bawk a ni. Naktuk hian BSMT team IV ten Phainuam, Vairengte leh North Chhimluang VLTF-te tlawhin an chhuak ve leh dawn a ni.