No.2382/2020-2020

Power & Electricity Minister Pu R. Lalzirliana hi MO (AYUSH) Dr. Mary Lalnunpuii Ralte leh midangten lo dawngsawngin, Primary Health Centre kawt, Waiting Shed-ah inhlanna hun tawi hman a ni.

Minister Pu R.Lalzirliana chuan thu sawiin Thingsulthliah zirlaiten damdawiin in eng an neih that tawkloh dan leh emergency a lo awm a, electric power supply awm lo thin te ngaimawha, hma an lakna chuan a beng a thlen thu a sawi a. Thingsulthliah Primary Health Centre a X-ray khawl leh Laboratory atan pawh 10KV Generator chu a tangkai a rin thu a sawi bawk a. Seling, Tlangnuam leh hmun dang atang pawha Primary Health Centre pantu te tan hmanrua tangkai a nih a beisei thu a sawi bawk a ni.

Minister chuan COVID-19 hrileng dona atan Thingsulthliah Health Centre-a hmantur Rs 50,000/- leh Hand Sanitizer Bawm khat MO Dr. Mary Lalnunpuii Ralte hnenah a hlan nghal a ni.

Thingsulthliah Health Centre-a thawktute hian an mamawh leh tul zualte ziakin Minister hnenah hian an thehlut nghal a, Thingsulthliah Health Centre-ah hian Covid-19 hripui dona kawnga a tul apiang thawk tur nurse pakhat inpe a awm a ni.