Nimin chawhma dar 7:00am khan Mizoram hmundang te rualin Siaha District-ah pawh MLA inthlanna chu tan a ni a. Harsatna leh buaina awm lovin boruak muanawm tak hnuaiah mipui ten vote an thlak a ni. Polling Station tlem te tih lohah chuan  tlai dar 4:00Pm ah vote thlak zawh hman vek a ni bawk.

39-SIAHA(ST) AC hnuaiah hian Polling Station 36 awmin, Voters 20914 an awm a. Vote thlak zat 15831 an awm a, vote tla hi 75.7 % a ni.

Mipa voters 7583 (75.85%) leh Hmeichhia voters 8248(75.53%) ten vote an thlak a ni.

40-PALAK(ST) AC hnuaiah hian polling station 43 awmin, voters 17962 an awm a, vote tla zat hi 14438 a ni a,  80.38% a tla a ni. Mipa voters 7156(80.26%) leh hmeichhe voters 7282(80.50%) ten vote an thlak a ni.

39-Siaha(ST) AC hnuaia vote tlak thatna ber Polling Station chu Riasikah PS a ni a, Voters 98 awmah, vote 90 tlain;  91.84 % a tla a ni. Vote tlakchhiatna ber PS chu Council Vaih PS a ni a, voters 908 awmah, vote 594 a tla a, 65.42 % a tla a ni.

40-Palak(ST) AC hnuaia vote tlak thatna ber PS chu Siasia PS a ni a, Voters 221 awmah, vote 199a tla a,  90.05 % a tla a ni. A tlakchhiatna ber PS chu Khaikhy PS a ni a, voters 95 awmah, vote 67 a tla a,  70.53 % a tla a ni.