Mizoram MLA Election 2018 puala vawiina inthlanna  neih chu Champhai District-ah buaina lian tham awm loin tluang taka zawh fel ani ta. Vawiin inthlanna hi Pu Debashis Das, IAS General Observer  for 21- Lengteng (ST) A/C,22-Tuichang (ST) A/C; Dr. Narander Kumar Meena, IAS, General Observer, 23-Champhai North (ST) A/C, 24-Champhai South (ST) A/C & 25-East Tuipui (ST) A/C leh Pu Saroj Kumar Thakur, IPS, Police Observer  Champhai District-te chuan Polling Station te kalchilhin an enfiah a ni.

Vawiina vote thlak atanga a landanin Champhai District Assembly Constituency panga awm atanga vote tla zat chu za zela 79 a ni a, 21-Lengteng  Assembly Constituency-ah vote tla tha berin, vote za  zela 81 a tla a. 22-Tuichang Assembly Constituency-ah za zela 79, 23-Champhai North, 24-Champhai South leh 25-East Tuipui Assembly Constituency-ah te vote za zela 78 a tla vek thung a ni. Mipa leh Hmeichhe vote za zela 79 ve ve a tla a. Polling Station pakuaah vote za zela 90 a tla tling a ni.

Polling Station 137 zingah 21-Lengteng Constituency huama 21/19 Vankal Polling Station-ah vote tla tha berin vote za zela 95  a tla a, Lengteng Assembly Constituency a mi tho 21/5 Hrianghmun Polling Station-ah vote za zela 60 tlain vote tlak chhiatna ber a ni.

Inthlana a duty,  khawl leh bungrua lo let te hi tha taka lo dawnsawn an ni a, 22-Tuichang A/C leh 25-East Tuipui A/C a duty-te District Panchayati Resources Centre tualah lo hmuah niin EVM rawn let te hi District Panchayati Resources Centre a Strong Room siamah dah luh fel an ni zel a. 21-Lengteng A/C,  23-Champhai North leh 24-Champhai South A/C a duty-te DC Office tualah lo hmuah  an ni a, 21-Lengteng A/C leh 23-Champhai North atanga lo let EVM te chu DRDA Office a Strong Room siamah dah luh an ni  a. 24-Champhai South (ST) A/C atanga EVM lo let te chu DC Office a Strong Room siamah dah luh  an ni bawk.

Vawiin inthlanna a vote tla zat te hi darkar hnih bi dan zelah Polling station tin ten vote tla zat report-na  tur Pollstar ti a  vuah  hmangin  an pe  zel a. District Control Centre atana ruat NIC Office leh DC Room atangtein Polling Station tin atanga report dawn te ECI lamah thawn thlak ve leh zel a ni.

Electoral Final Roll 2018 tarlan danin Champhai District-ah voters 84705 an awm a, heng zinga 42820 hi Hmeichhia niin 41885 chu mipa an ni a. Mipa leh Hmeichhe voter inthlauhna hi 935 a ni. 23-Champhai North A/C a Polling Station 30 awmah voters tam berin voters 18486 an awm a, a tlemna ber chu 25-East Tuipui A/C niin Polling Station 29 ah voters 14835 an awm a. 21-Lengteng A/C hnuaia Polling Station 27 ah Voters 17165 awmin, 22-Tuichang A/C hnuaia Polling Station 26 ah voters  16195 an awm a, 24-Champhai South A/C hnuaia Polling Station 25 ah voters 18024  an awm bawk a ni.