29th Open Boxing Championship 2011, chu vawiin khan Boxing Hall Mamit-ah tan a ni

He Championship hi Pu John Rotluangliana Deputy Speaker, Mamit Bialtu MLA ni bawk chuan hawngin ‘Boxing hi Mizoten khawvel tukverh kan dah chhuah ve theihna a ni a ti. A sawizelna-ah khuallian chuan hmanni lawkah Boxing Hall hawn niin tunah rampum huap Open Tournament kan thleng leh theih hi thil lawmawm tak a ni a ti. Bialtu MLA a nihna angin a buatsaihtute chungah lawmthu a sawi a. Boxing hi tih mai mai theih loh infiamna a nih rualin eizawnna tlak infiamna a ni a ti, chutih rual chuan infiammi lokal khawmte infiamna thinlung pu chunga theihtawp chhuah turin a chah bawk a ni. Participant zawng zawngte ruihlo lakah inthiarfihlim a, ruitheih thil laka kan lo fihlim tawhna te chhunzawm zel tur leh tih lo hi adict theuh turin a chah bawk a ni.

Pu Rodney L.Ralte IAS, District Bawrhsap chu khualzahawm niin he hun hi a hmanpui a, infiammi lo kal zawng zawng te hnenah District aiawhin lawmthu a sawi bawk.

Hawnna inkhawm hi F.Lalnienga, Vice President MIZBA inkaihruaiin Pu P.C Lalnunmawia ROC, Chairman MIZBA in technical report pe-in Boxer 156 telin Senior-ah Men 41, Women ah 8, Junior Boys-ah 81 awmin Junior girls-ah 26 an awm a, Categories hrang hrang 43 awmin Bout 113 a awm dawn a ni.

He Championship hi MSSC, MIZBA leh Mamit District Boxing Association tangkawp buatsaih a ni. He 29th Mizoram Open Boxing Championship 2011 tanpui nan hian Deputy Speaker hian Rs 50,000/- pe-in MIZBA hian Rs 30,000/- in an tanpui a ni.