Kumin 2011 Anthurium Festival neih dan tur chungchang Pi  B. Sairengpuii, Tourism Secretary hoin vawiin khan Organising Committee an thu khawm.

Kum danga tih thin dan pangngaiin Anthurium Festival hi Tourist Resort, Reiek ah nithum chhung  22, 23 leh 24 September thlaa hman tum a ni a. He Anthurium Festival  hi kum dang zawng aia uar zawka hman tum a ni a, item chi hrang hrang cultural item te, modern songs te, hnam lam te entir bakah stall engemaw zat hawngin lei leh hralh na hun pawh buatsaih tum a ni.  Anthurium Festival a tel tur hian Zokhaw lam hmun hla zawk atangte in hnam lam leh item hmuhnawm tak tak entir tum a ni.