Minister Zodintluanga hmalaknain Urban Development & Poverty Alleviation Department hnuaia central scheme kalpui mek Swarna Jayanti Shahari Rozgar Yojana (SJSRY) atangin mirethei BPL te inhlawhfakna tur Rs.30.88 lakhs ruahman a ni. He pawisa hian vantlang ro leh hmanrua siam a ni dawn a, Aizawl khawpui chhunga BPL chhungkua ten inhlawhfaknan an hmang dawn a ni. Pu Zodintluanga chuan, hetianga mirethei leh harsa zawkte tana inhlawhfakna kan siam theih chhan hi UD&PA officer leh staff te thawhrimna liau liau a ni a, miretheite tana an theihna leh an thiamna an seng hi a lawmawm hle a ni, a ti. 

Minister chuan UD&PA Department hi khawpui chhunga hmasawnna ruhrel din lama mawhphurtu a nih mai bakah khawpui chhunga miretheite dawmkan hna thawktu a ni a, tun tuma mi harsa zawkte inhlawhfakna tur kan siam leh thei pawh hi department pawh kan lawm hle a ni a ti bawk.

SJSRY hnuaia inhlawhfaknaah hian BPL chhungkua 15735 zet an tel dawn a, hna hi November thla hian thawh tan a ni ang.