Vawiin chawhnu dar 1:00 khan Champhai I & PR Auditorium ah BPL member trade hrang hrang a training course zo te hnenah certificates sem a ni.
SJSRY Cell, UD&PA hnuaia BPL member training chhuak te hnena certificates semna inkhawm ah hian Khuallian Pu Zoengsanga, Addl.D.C Champhai chuan thu sawiin thla ruk chhung lek a nih avangin trade thenkhat ah te chuan thiam bel a har viau maithei a, chuvang chuan mahni a eizawnna puitling nei tur chuan mahni in hai en chhoh zel a pawimawh em em a ni tiin tunlaiah hna nghet a vang tawh a, zir sang zawk engineer, MA etc., te pawh hna nghet nei lo an tam a, training na a thiamna kan chharchhuah atang hian eizawnna bul kan tan thiam a ngai a ni, a ti a.
Vairam atanga lo chhuak thirchhe zawngte pawh hian an chhungte an chawm ve ngei a rinawm a, an taimakna a fakawm a ni tiin khuallian Pu Zoengsanga chuan ei hmu tur a an zir chhoh chu taimakna leh rinawmna nena hlawhtling ngei tura tan la zel tur in training chhuak tharte chu a chah a. Heng Trade hrang hrang a zirtirtute chu training an pekna kawngah fakin lawmthu a hrilh nghal bawk a ni.
He inkhawm kaihruaitu Pu Lalenglawma Pakhuangte, District Project Officer, UD&PA, Champhai District pawhin thu sawiin keimahni lamin kan zir phawt chuan heng traning te hi hlawhtlin nan a hmantlak theih a ni a ti.
Pi F.Ramnunengi, CO in report a pe a, he training hi 17th September 2012 ah tan niin a tirah chuan mi 90 in an zir a, a tawp thleng a zir chhuak erawh chu mi 70 an ni thung. BPL member ten trade hrang hrang an training te chu a hnuaia mite ah hian a ni:
1. Tailoring 2. Artificial Flower jnaking 3. Hair Cutting 4. Computer 5. Mobile repairing 6. Two Wheeler Mechanics 7. Beauty Parlour 8. Carpentry te an ni.
Training centre hi hmun 20 velah a awm a. Training hi thla hmasa berah Rs. 700/- an dawng a, a bak chu thlatin Stipend Rs. 500/- an dawng a ni. Certificate te sem a nih hnuin Pu F. Lalhriatpuia, J.E in lawmthu sawiin he hun hi a khar ta a ni.
