Pu Zodintluanga, Minister UD & PA etc, hmalakna avangin SJSRY, UD & PA bultumin Aizawl khawpui chhunga BPL te tan Loan & Subsidy dilna hawn a ni a, mi 1460 in an dil a. Heng Loan & Subsidy hi Urban Self Employment Programme hnuaiah BPL chhungkaw 100 hnena pek tur a ni a, hemi atan hian, Bank-in 70% pe in a dawngtu in 5% a tum anga, a bak 25% chu UD & PA Department in a tum ang. Hemi atan hian Department chuan Rs. 50,00,000/- a sem chhuak dawn a ni.

Urban Women Self Employment Programme hnuaiah khawpui chhunga Self Help Group 30 te hnenah Loan & Subsidy a pe chhuak dawn bawk a. He scheme ah hian Bank-in 60% pe in, a dawngtu Group in 5% an tum anga, a bak 35% chu UD & PA Department in a tum ang. Hemi atan hian Department chuan Rs. 31,50,000/- a sem chhuak ang. Avaia BPL te hnena Subsidy atana semchhuah tur hi Rs. 81,50,000/- a tling hial a ni. Heng sum thahnem tak hi BPL chhungkua te hian hmasawn pui a, an dinchhuah pui ngei theih nana hmala turin a chah nghal a ni.

Heng Loan & Subsidy te hi Aizawl khawpui chhunga Bank hrang hrang atanga pek chhuah tur a ni a, UD & PA Minister duhdan angin heng Bank hrang hrang te hian mirethei te tanpuina remchang a nih hriain rawngbawlna rilru pu-a hma lo lakpui turin a beisei bawk. Hetiang bawk hian District khawpui hrang hrang-ah hmalak mek a ni.