Nimin khan Pu P.C. Lalthanliana, LAD Minister chuan Lunglei Hrangchalkawn Comunity Hall-ah an veng Village Council kum 25 na lawmna hmanpuiin hemi pual lungphun a hawng a, Souvenir a tlangzarh bawk.

Minister chuan mipuite tawngtaina chhangin ramhruaitu duhawm tak tak a bikin Hrangchalkawn pawhin bialtu MLA thahnemngai tak an nei chu a lawmpui thu a hrilh a. Mizoram sorkar-in mirethei leh kut hnathawkte dinchhuahna tur programme fel tak a duan dawngtute chu tih takzetna nena dinchhuah pui ngei turin a chah a, khawtlang mamawh hrang hrangte a zawng a za in tih puitlin vek sen nilo mahse Hrangchalkawn khawtlang pawhin an vengchhungah hmasawnna thahnem tak an hmu mek a ni a ti. Pu P.C. Lalthanliana chuan V/C te inrelbawlna chak zawknan Gram Sabha enchhin tum mek a nih thu a sawilang bawk.