275/2025-2026

Aizawl, the 22^nd April 2025 : Vawiin khan Ministry of Jal Shakti hnuaia awm Brahmaputra Board Chairman Pu Ranbir Singh IAS (Retd.) chuan Agriculture Minister, Irrigation & Water Resources enkawltu ni bawk Pu PC Vanlalruata chu a Pisa MINECO ah hmuin tui leh a kaihhnawih chungchanga thil hrang hrang a Mizoram Sawrkar nen thawhdun dan an sawiho.

An inkawmnaah Minister Pu PC Vanlalruata chuan Mizoram lui hrang hranga tui chhekkhawlna dam te chi ang siam a rawt chu Pu Ranbir Singah chuan tha tiin hei hi an lo zirchian tur thu Minister a hrilh a. Pu Ranbir Singh a chuan Mizorama hman atan Flood Zoning Act siam te leh tui hna humhalh nan springshed management policy-te duan a pawimawh thu a sawi lang a. Kolodyne leh Khawthlang Tupui tana Master Plan chu Board in a buaipui mek thu Minister hrilhin hemi puitlin nan Mizoram Sawrkar thawhhona leh puihna an mamawh thu te a thlen bawk a ni.

Tarlan tawh angin Brahmaputra Board hotute hi Barak Basin Management Plan chungchanga inrawnkhawmna tel turin Aizawl an lo zin a ni.