276/2025-2026

Khawzawl, dated 23rd April 2025: Vawiin chawhma dar 11 khan DC Meeting Hall-ah Pradhan Mantri Ujjwala Yojana (PMUY) hnuaia LPG connection chungchang sawiho turin District Ujjwala Committee an thukhawm a, Addl. DC Pu Lalfakzuala'n he thutkhawm hi a kaihruai a ni.

He hunah hian Addl. DC Pu Lalfakzuala chuan PMUY connection chungchangah Standard Operating Procedure (SOP) mumal tak sawrkarin a siam tih sawiin hei hi khauh taka zawm ngei a tul thu a sawi a, hetiang chungchang ngaihtuah tur hian District Ujjwala Committee (DUC) hi din a ni tih a sawi bawk. Gas agency aiawha lo kal te chuan PMUY connection an lo kalpui dan te, connection nei mumal zat te leh dilna an dawn zat te an sawi a, SOP chungchang zirchianna leh sawihona an nei bawk a ni. Addl. DC Pu Lalfakzuala chuan gas agency te kaihhruaina thar zawm ngei turin a chah a, mipui te'n dik tak leh felfai taka hamthatna an chan theih nan dan ang taka dilna te lo dawnsawna kalpui zel turin a sawm a ni.

He hunah hian District Civil Supply Officer Pu CC Sakhawliana, Mizoram Consumers Union Khawzawl District Branch President Pu R. Lalthawmmawia leh Khawzawl, Biate leh Kawlkulh khuaa gas agency hrang hrang aiawh te an lo tel a ni.

District Ujjwala Committee hi PMUY gas connection pek dan tur chungchang ngaihtuah ho tura din a ni a, SOP tharah hian hamthatna dawng tur chiang zawk leh mumal zawka hriat a nih theih nan connection nei te enfiah a, e-KYC leh biometric authentication te tihfel a, connection hmang lo chu tihtawp tur a ni tiha duan a ni.