277/2025-2026

Champhai, 23rd April 2025: Champhai Bawrhsap Pu Mohammad Aaquib chuan Section 163 Bharatiya Nagarik Suraksha Sanhita (BNSS), 2023 in thuneihna a pek angin, Hnahlan Ieh Tualcheng inkar PMGSY kawngah, Myanmar atanga dan loa kuhva lakluh phur lirthei reng reng tlan khap tlat a nih thu a chhuah. He thupek hian thla hnih chhung a huam ang a, he thupek zawm lo te chu Section 223 Bharatiya Nyaya Sanhita (BNS), 2023 hmanga hrem an ni ang. 

Hnahlan Ieh Tualcheng inkar PMGSY kawng chu Myanmar atanga Dan lova kuhva lakluh phur lirthei ten an rah chhiat nasat avangin leh kawng siamthat hnathawhte an rah chhiat zel avangin kawng a tlo thei lova. Hei hian a kawng siamtute tan leh kawng chhawrtu mipui tan harsatna a siam a;

Chuvangin, kei, MOHAMMAD AAQUIB, DISTRICT MAGISTRATE, CHAMPHAI DISTRICT chuan Section 163 Bharatiya Nagarik Suraksha Sanhita (BNSS), 2023 in thuneihna min pek angin a hnuaia khapna thupek hi ka chhuah e.

Hnahlan Ieh Tualcheng inkar PMGSY kawngah, Myanmar atanga Dan lova kuhva lak luh phur lirthei reng reng tlan khap tlat a ni.

He thupek zawm lo tu chu Section 223 Bharatiya Nyaya Sanhita (BNS), 2023 hmanga hrem an ni ang.

He thupek hian chhuah a nih atanga thla hnih (2) chhung a huam ang.

He thupek hi District Magistrate Seal nemin vawiin ni 21st April, 2025 hian hming ka ziah hnan e.

order.pdf