National Disaster Management Authority-a Senior Specialist Brig (Rtd) Dr. B.K.Khanna chuan vawiin chawhnu khan Chief Minister Pu Lal Thanhawla chu a Office Chamberah hmuin, inkawmna hun tha tak an nei.

Dr. Khanna chuan chawhma lama mock drill an neih thute Chief Minister hi hrilhin, structure training neih a pawimawh thu a sawi a. Chhiatrupna alo thlen thulhah hmanraw pawimawh chi hrang hrang lo neih lawk a tul thute, inzirtirna tul leh pawimawh (awareness) te leh training chi hrang hrang buatsaih thin a tul thute inkawmnaah hian an sawiho a. Mizorama Disaster Management Authority din tawh chu tihchak nise tihte an sawi bawk a. Chhiatrupna alo thlen palhah, tawrhna tih zangkhai anih theih nan leh chetlak vat anih theih nan (mitigation and response), fund pek a tulzia te an sawiho bawk a ni.

Chief Minister chuan inkawmna hun tam an nei thei lo chu pawi a tih thu a hrilh bawk a ni.

Dr.Khanna hi Pu K.Riachho, Secretary to Govt of Mizoram, DM & R in a tawiawm a ni.