Tripura Transit Camp paruk (6) a Bru/Reangte Postal Ballots tlate chu Kanchanpur, Tripura-ah vote tla chhiar niah chhiar turin Election Commission of India (ECI) chuan remruatna a siam.

Vote chhiar hma zawng hian Chief Electoral Officer, Tripura chuan Transit Camp paruk (6) a vote tla te hi seal vekin, him takin a awm theih nan CPF te venhimna hnuai Strong Room-ah a dah ang tih ECI chuan a rel bawk.

Mizoram Assistant Returning Officer (ARO) Mizoram, Parliamentary Constituency, Bru camp paruk (6) atana ruat leh counting staff ten Kanchanpur hmunah hian chhiarna an nei dawn tih ECI chuan a tarlang bawk.

Returning Officer hian candidates tinte hnenah vote chhiar hun leh kalphung turte chu hriattirna a thawn ang a, an election counting agent theuhte, an duh chuan vote chhiarna hmun a awm turin a hrilh ang tiin ECI chuan a rel bawk.