Tripura Bru Relief Camp atanga Mizoram khua leh tui hruai let thawh 9-na neih mekah nizan  khan Lunglei District a awm tur Bru chhungkaw 6 te chu Lunglei thlenpui niin an riahna 2nd Batallion MAP hmunah Lunglei DC Pi K. Lalrinzuali leh sawrkar official ten an lo dawng sawng.

 Tun tuma Bru lo lette hi puitling 11 leh naupang 5 an ni a, insakna tur Rs. 150000 an dawn turah 1st Instalment Rs. 25000 leh an thlatin dawn tur  Rs. 5000 bakah buhfai hlan nghal an ni. Vawiin tukthuan eikham khan an awmna hmun tur panpui leh nghal an ni.

Lunglei district a awm tur Bru  hruai kirte hi Chawilung khua ah chhungkaw 1, Buknuam khua ah chhungkaw 1 leh Dinthar ah chhungkaw 4  an awm dawn a, an khawsak lailawkna tur sawrkar bawkte khawhah an cheng rih dawn a ni.