Vawiin khan Information & Public Relations Department Director Pi Lallianpuii’n lehkhabu  “Vantirhkoh Mittui” leh “Duhmanga leh Dardini “ te a tlangzarh.

Pu Lalsangzuala ziah lehkhabu pahnih tlangzarhna ah hian Pi Lallianpuii chuan tunlaiin social media hrang hrang avangin lehkhabu chhiar an tlem tawh thu leh literature dinhmun a tlakhiam thu a sawi a, hei vang hian literature tih nun thar a ngai a ni a ti.  Mizo folktale lar Duhmanga leh Dardini mi tam zawkin an chhiar theih tura tihchhuah leh a ni chu lawmawm a tih thu Pi Lallianpuii chuan  a sawi a, thawnthu tawi chi hrang hrang tarlanna Vantirhkoh Mittui nen hian Mizo literature tihnun tharna tur a ni chu lawmawm a tih thu a sawi bawk a ni.

Lehkhabu tlangzarhna hunah hian thuziak leh literature lama tui mi te bakah zirlai thahnem tak an tel a ni.