Vawiin khan kolasib DC Conference Hall ah Pi Lalbiaksangi, Addl Secretary Home Department hoin Bru laklet tur chungchanga inpuahchahna kal mek chungchang sawiho a ni.

Thutkhawm kaihruaitu Kolasib Bawrhsap Pu Zoengsanga chuan Kolasib Districta Bru laklet chu October ni 3 atanga tan tur niin October ni 25 ah zawhfel tur a nih thu a tarlang a, inpuahchahna hun tlem te awm chu hmang tangkaia mahni hmazawna hna thawh tur awm te felfai taka hlenchhuak turin kalkhawm te a sawm a ni.

He hunah hian Kolasib District a Bru ho let na tur khua a AO leh VCP te chuan an hmalakna tawh na leh harsatna tawh dan hrang hrangte report an pe a, kawng awlsam zawk leh felfai zawk tura an ngaih chungchangah te pawh rawtna an thlen a, Bru ho rawn kir huna an awm lai lawk na tur temporary shelter, Staging Area, Tui leh kawlphetha bakah ei leh bar tur chungchang te sawiho ani a, naktuk atangin hnathawh tan hman beisei a ni.

Kolasib Districta Bru rawn let tur hi chhungkaw 688 niin member/mihring 4225 an ni a, Bus leh 407/LPK 30 ve ve hmanga hruai tur niin kolasib Districta khaw 10 ah dah an ni ang.