Pu Raman Srivastava, IPS, Director General, Border Security Force chuan zankhat riakin nimin khan Aizawl a lo thleng. A cham chhung hian Mizoram Governor Lt.Gen(Rtd) M.M Lakhera, PVSM, AVSM,VSM leh Chief Minister Lal Thanhawla te chu an chenna in ah a kawm a. Chief Minister nen an inkawmna ah hian Mizoram khawthlang Bangladesh ramri hrula BSF mi leh sa dah belh chungchang an sawi dun a, DG chuan hei hi ngaihtuah mek anih dan leh dah belh tura ruahmanna kalpui mek anih thu CM hi a hrilh a ni. DG hi a thiannu Pi Anjali Srivastava leh BSF officers engemaw zatin an tawiawm a ni.