Vawiin khan BSF chuan Durtlang-ah a thlawna inentirna 'Free Medical Camp' a buatsaih a, Pu S.C.Pandey, DIG , Sector HQ BSF Aizawl-in a hawng. Medical Camp hi chawhma dar 11:00 atanga tlai dar 4:00 chhung hawn niin Durtlang bakah Sihphir leh khaw thenawm atangin mi 500 chuangin an rawn pan a ni.
BSF hotupa Pu S.C.Pandey chuan BSF chu an awmna hmun apiangah mipuite rawngbawl tura inpeih reng an ni a, Mizoramah pawh kawng hrangin hma la tawhin hetianga thlawna inentir free medical camp pawh khaw kilkhawr leh hla zawkah te buatsaih zel a ni dawn, a ti.

Vawiin BSF Medical Camp-ah hian a bik takin vun lam natna leh mit tha lo inentir an tam a, damdawi pawh cheng nuai 1 hu vel a thlawna sem a ni.