Tukin zing khan Border Security Force (BSF) hotu, P.J. Sebastian, IG of BSF, Mizoram & Cachar Frontier Hqrs, Silchar chuan Chief Minister Pu Lal Thanhawla chu a chenna Bangalow McDonald Hill, Zarkawtah hmuin, inkawmna hun tha tak an nei.
Chief Minister leh IG te inkawmna hian ramri chungchang lam an sawidun ber a. IG hian border fencing leh BOP Malsury sak chungchanga harsatna an neihte Chief Minister hnena a thlen chu Chief Minister chuan a theih anga lo tanpui a tum thu a hrilh nghal a. Chief Minister chuan Mizo thalaite tan BSF Recruitment Rally nei turin a sawm a. Border fencing hnathawhin ram neitute ram laksak man an la pek loh avanga harsatna an tawh chungchangte a sawipui bawk a ni.
