Vawiin khan Aizawl District Bawrhsap Pu Vanlalngaihsaka’n DC Conference Hall ah 2nd July 2019-a BSUP Complex, Durtlang-a chhiat tawhna a nunna chan chhungte hnenah ex-gratia a hlan.

BUSP Complex, Durtlang chhiat tawhna-a nunna chan Pi Sangnghinglovi, Lalnunfeli leh Lalpeksanga chhungte hian ex gratia cheng nuai 4 an dawng a ni. Aizawl Bawrhsap chuan he vanduaina hi pawi a tih thu leh thleng lo se an duh thu a sawi a, vanduaina karah sawrkar in chhawmdawlna hrang hrang a pek thin thu  a sawi lang a ni.

He hunah hian ex-gratia dawngtu chhungte pawh in an vanduaina tawh chungchangah  sawrkar in a ngaih sak reng chu lawmawm an tih thu an sawi a ni.

Ex-gratia hlanna ah hian Additional DC Pu John LT Sanga leh  Pu Lalhruaizela Fanai te bakah Aizawl DC officer te leh Aizawl District Disaster Management Authority hotute an tel a ni.